Hversdagsleiki Önnu Pálu

1.12.2007 | 23:55

Heimilisofbeldi = ástarævintýri

Jahá. Það er mikið að gera á stóru heimili (mitt er alveg næstum 40 fm.)

---

Þessa dagana stendur yfir 16 daga átak gegn kynbundnu ofbeldi. Það er flott mál og ég hvet alla til að skrifa undir áskorun til stjórnvalda um aðgerðir gegn mansali hérna.

Í þessu samhengi verð ég að fá að koma á framfæri nokkru sem gerði mig svo reiða að tölvan fór næstum út um gluggann hjá mér. Tvisvar, með þriggja daga millibili. Gæti haft mörg orð um það en vil spyrja hvort ritstjórn vísis.is finnist í alvöru í lagi að skrifa tvær fréttir af dómsmáli sem snýst um alvarlegar ásakanir um heimilisofbeldi og tala um það í gamansömum tón sem "Ásláksástarævintýrið"? Fréttirnar eru hérna og hérna. Þetta finnst mér léleg fréttamennska og ekki í samræmi við þá grundvallarkröfu sem gerð er til blaðamanna um að sýna viðfangsefni sínu virðingu.

---

Annars er ég að detta í próftíð og það verður að vanda nóg sem þarf að gerast á þeim tíma hjá þessari konu. Nóg búið að vera að gera á önninni í verkefnavinnu, sem er veigamikil í mastersnáminu og þá er ekki tími til að lesa meðfram. Sem stendur er ég súr í hausnum að klára verkefni um "smámálið" réttinn til heilbrigðisþjónustu. Ekkert víðtækt eða neitt. Neinei.

Gekk illa heima og ákvað að hörfa á skrifstofu Ungra jafnaðarmanna við Hallveigarstíg í ljósi þess að þar yrði góður friður. Tja. Gleymdi mörg hundruð manna veislusalnum í kjallaranum. Þar er ball í gangi. Alltaf jafn gaman að full-orðnu fólki að dansa hóký póký. Pæling að fara bara niður, krassa partýið og gefa almannatryggingaréttinn upp á bátinn.

Flokkur: Stjórnmál og samfélag | Breytt 2.12.2007 kl. 05:00 | Facebook

Athugasemdir

Ég held að allir séu sammála um að það þurfi aðgerðir gegn mannsali, fólk er bara ósammála hvaða aðgerðir þurfi til. Ég tek mér bessaleyfi til að auglýsa þennan undirskriftalista á síðunni minni, þar sem ég trúi því að ykkar aðalmarkmið er að fá sem flesta til að skrifa undir.

Nanna Katrín Kristjánsdóttir, 2.12.2007 kl. 18:27

Vísirpúnkturis er EKKI að gera góða hluti þessa dagana. Ég held að Óli Tynes hafi eitthvað með þennan fréttaflutning að gera, án þess að ég þori að fullyrða um það.

Þessi frétt http://visir.is/article/20071129/FRETTIR05/71129095 skartar t.d. mögulega ósmekklegasta myndefni fyrr og síðar.

Dagbjört Hákonardóttir, 3.12.2007 kl. 15:55

Og já - ert þú kona í lunsj á morgun í því Norræna með Sanders og mér?

Dagbjört Hákonardóttir, 3.12.2007 kl. 15:56

Merkileg þessi fréttamennska. Eins og Halla Ólafsdóttir benti réttilega um daginn þegar hún var að tala um fréttaflutning af enn einu nauðgunuarmálinu. "Stúlkan taldi að sér hefði verið nauðgað.." Myndi einhver tíman vera sagt "Maður taldi að hann hafi verið barinn"?

Ragnheiður (IP-tala skráð) 4.12.2007 kl. 16:41