Ég elska Elínu

Djöfull hata ég að vaska upp.  Þetta er ekki leggjandi á konu sem hefur alist upp með uppþvottavél frá unga aldri. Og háskólabókasafnið sendi mér haturspóst vegna bóka sem Bjarni pakkaði óvart ofan í kassa hjá mér, sem ég er óvart ekki búin að opna síðan. Bókasafnið segir að ég fái ekki að útskrifast ef ég verði ekki búin að skila þeim á miðvikudaginn. Útskriftin mín er annars (vonandi) á laugardaginn! 

Hins vegar elska ég Elínu Ósk, fyrir þessa frábæru grein sem hún á á Vefritinu í dag. Ég ætla samt rétt að vona að hún hafi rangt fyrir sér.

E.s. Takk Akureyringar fyrir að taka svona vel á móti mér þetta bráðskemmtilega síðastliðið fimmtudagskvöld. Ekki síður fá íbúar á Þjórsárbökkum þakkir fyrir að taka líka ofurvel á móti okkur á föstudeginum. Þess má geta að þegar öllum þessum ævintýrum var lokið þurfti ungfrúin að leggjast til svefns kl átta á föstudagskvöldinu og sofa til tíu daginn eftir. Og var samt þreytt á vinnudjammi á laugardagskvöldinu.

Athugasemdir

[Valdís Anna Jónsdóttir, 23.10.2007 kl. 17:00]

jójójójó takk líka fyrir frábæra heimsókn, alltaf gaman að fá borgarbúa í heimsókn;)

Sjáumst vonandi hress sem fyrst:)

[Helga Vilborg Sigurjónsdóttir, 29.10.2007 kl. 11:46]

Elsku Anna Pála

Innilega til hamingju með útskriftina!! Ég reyndi að senda þér kveðju á laugardaginn en það hefur eitthvað misheppnast.Vonandi áttirðu góðan dag. Biðjum að heilsa öllum.

Bestu kveðjur frá Afríkubúunum

Anna Pála kisa (sem er eiginlega tuskuljón- sem þið gáfuð Dagbjarti Elí) biður líka að heilsa