Ég má ekki tjalda

Ef ég mætti eiga mér líf næsta hálfa mánuðinn, hefði ég líklega farið til Akureyrar yfir verslunarmannahelgina. En þar sem ég er tuttugu og þriggja ára gömul, hefði ég þó ekki mátt tjalda. Maður hefði þurft að gera þetta þannig að ég fengi að vera í húsinu hennar Sibbu frænku og Sibba (58) verið á tjaldstæðinu. Hún má tjalda.

Athugasemdir

[Helga R. Einarsdóttir, 3.8.2007 kl. 13:17]

Áttekki einhverja frænku þarna fyrir norðan sem getur lánað þér krakka á meðan þú tjaldar?  Svo bara verður karakkinn alltaf "einhversstaðar að leika sér" ef þú verður spurð um hann. Það gera hvort sem er allir krakkarnir sem eru þarna með foreldrunum. Gangi þér vel og góða helgi, hvar sem er.

[Halli (IP-tala skráð) 3.8.2007 kl. 14:00]

hvers konar laganemi leggur árar í bát þegar hann stendur andspænis víðsjárverðum ákvörðunum misgáfaðra sveitastjórnarmanna?

ef ég væri svo heppinn að vera milli 18-23 ára myndi ég fara til Akureyrar og láta henda mér út af tjaldstæðinu ítrekað, þar til ég fengi sekt fyrir vikið. málið myndi sæma sér vel fyrir Hæstarétti. 

[Steinþór (IP-tala skráð) 3.8.2007 kl. 14:34]

Hvaða rugl er þetta

það er 18 ára aldurstakmark á tjaldstæðin nema í fylgd með forráðamönnum+

Og tjladstæðið við Þórunnargötu tekur sér það leyfi(sem þau eru í fullum rétti til að gera) að vís ungu fólki 18-23 ára á annað tjaldstæði. slakið þið' bara á gott fólk í yfirlýsingum og hneykslan. 

[gógó, 3.8.2007 kl. 15:46]

Hmmm.... stingur mig svolítið þessi setning hjá þér Steinþór að fólk yfir 18 þurfi að vera í fylgd með forráðamönnum. Ég veit nú ekki betur en svo að 18 ára einstaklingar séu sjálfráða og hafi því ekki forráðamenn nema þeir hafi verið sviptir forræði eða hafi einhverra hluta vegna ekki verið taldir geta séð um sig sjálfir. Ertu þá að meina að þeir einir sem eru á aldursbilinu 18-23 ára megi vera á tjaldsvæðinu séu þeir sem hafa sérstaka forráðamenn.

Bara að velta þessu fyrir mér.

[Hákon (IP-tala skráð) 3.8.2007 kl. 18:04]

Var ekki lögfræðingur að segja að þetta stæðist líklega ekki lög?

Það er spurning um að skella sér þarna og tjalda og láta draga sig í burtu til að mótmæla þessum skrípalátum. Er það ekki kallað aktivismi? 

[Anna Pála Sverrisdóttir, 3.8.2007 kl. 18:08]

Hér með fel ég Hákoni að fara að tillögum Halla og láta ítrekað fjarlægja sig af tjaldstæðinu. Ég skal vera í lögmannateyminu þegar málið fer fyrir dóm.

[Hákon (IP-tala skráð) 5.8.2007 kl. 19:10]

Reyndar er ég 24 ára svo hí á þig :P

 En ef ég hefði farið norður um helgina hefði ég sagst vera 23 ára bara til að sjá hvað myndi gerast...