Oft má lyf af eitri brugga

Ég fékk páskaegg nr SJÖ. Manni verður bara hugsað til svöngu barnanna í útlöndum. Með sammara. Orðið sammari í mínum orðaforða er stytting á tvennu: Sammari=samviskubit. Sammari=samfylkingarmaður. Ræðst af samhengi hvort er átt við hverju sinni, sbr "Ég er með sammara."

En um páskaeggið. Ég skelli skuldinni á hnattvæðinguna. Við hjónaleysin brugðum okkur í Krónuna laugardag fyrir páska, með páskaegg og fleira á innkaupalistanum. Einu Nóa-eggin sem til voru í bú ..ðinni voru númer sjö. Við nenntum ekki að labba í Bónhaus eða gera óhagkvæm kaup í Nóatúni svo við hreinlega NEYDDUMST til að fjárfesta í skrímslinu sem var bara til í fantasíum þegar ég var lítil. Ég ætlaði að segja frá þessum undrum og stórmerkjum yfir páskalambinu fyrr í kvöld en í ljós kom að litla skrímslið systir mín fékk LÍKA páskaegg nr. sjö. Svei. Ég hélt ég ætti skynsama foreldra. 

Málshátturinn minn í ár var fínn, sbr fyrirsögn þessa gagnslausa pistils. Hef fengið hann áður. Ber eftirsóknarverðu hugarfari vitni. 

E.s. Að gefnu tilefni vill Bjarnið koma því á framfæri að hann ljúgi almennt ekki að mér. 

Athugasemdir

[Eva María (IP-tala skráð) 17.4.2006 kl. 18:37]

Ég fékk tvö páskaegg og þau voru bæði númer fimm. Voru segi ég þar sem þau eru bæði búin.

Ég er með sammara yfir að hafa verið með sammara

haha

[Anna Pála Sverrisdóttir, 17.4.2006 kl. 19:32]

E: Deildu því með okkur elskan, ha? mitt er ekki búið enn. H: Ekki vanmeta mátt súkkulaðis!