Sms fyrir daga gemsanna

Ég keyri daglega fram hjá styttunni af okkar merku alþýðuhetju Héðni Valdimarssyni. Og í hvert skipti finnst mér það jafn rosalega fyndið að maðurinn er augljóslega að senda sms.

Athugasemdir

[Sigurður G. Tómasson, 15.4.2006 kl. 10:08]

Hann var á undan sinni samtíð. Eins og sjá má vantar fæturna frá hné á Héðinn. Höfundurinn, Sigurjón Ólafsson myndhöggvari, mun hafa ætlast til að styttan yrði á stærri stöpli en sagt er að ekki væru til peningar fyrir hærri stöpli.Gárungar héldu því fram að Héðinn væri genginn upp að hnjám í þágu alþýðunnar. Sigurjón var seinheppinn með þetta, því þegar hesturinn hans var settur upp, tímdi borgin ekki að láta steypa folaldið. Það kom ekki fyrr en mörgum árum seinna.

[Anna Pála Sverrisdóttir, 15.4.2006 kl. 15:56]

Haha. Það er alveg í stíl. Ekki til peningar fyrir fótum á hetjuna, ekki til peningar til að hækka lægstu launin því þá fer allt til andskotans í þessu þjóðfélagi.

[Hrund (IP-tala skráð) 15.4.2006 kl. 18:14]

Í minni fjölskyldu erum við sannfærð um að hann haldi á vasaljósi...

[Strumpurinn (IP-tala skráð) 16.4.2006 kl. 02:04]

Nokkur atriði sem ekki eru ljós með hann Héðinn...

Hvað er hann eiginlega að skrifa í smsinu... hvar hleður maðurinn eiginlega gripinn... svo ekki sé minnst á stóru spurninguna... er hann ennþá með Nokia 6110?

Strumpakveðjur :)

[Agnar Freyr Helgason, 16.4.2006 kl. 21:04]

Háttvirtur félagi Anna Pála!

Vertu velkomin á nýtt aðsetur mitt á alnetinu.
Http://agnar.blog.is

Kveðja,
Agnar

[Anna Pála Sverrisdóttir, 16.4.2006 kl. 23:29]

Hrund; Leiðarljósi öllu heldur? Æðstistrumpur; Ég myndi klárlega telja að hann sé svona persónuleiki sem notast við 5110 í fullu fjöri enn. Og Agnar; Hvað getur maður sagt á þessum degi nema hallelúja?

[Eva María (IP-tala skráð) 17.4.2006 kl. 00:28]

Ja hérna, kellingin farin að blogga! á ég semsagt að byrja að hlakka til þess dags þegar ég hætti? Sofa fimmtán tíma...

Eva María

[Anna Pála Sverrisdóttir, 17.4.2006 kl. 00:39]

Sofa fimmtán tíma, blogga og stunda aðra tímasóun. Og síðast en ekki síst, spila vist með Stuðfélaginu Flamengóanum.