Samkynhneigð særir blygðunarkennd 42%

Ég fór óvænt á Útvarp Sögu í dag til að viðra skoðanir mínar í n.k. útvarpspistli. Gaman að því bara en nokkuð mikil ögrun að þurfa að tala í tuttugu mínútur í beinni svona uppúr sjálfri mér.

Datt inn á heimasíðu stöðvarinnar til að leita að heimilisfanginu og rakst þá á athyglisverða skoðanakönnun. Eftir að ég hafði smellt á Nei - samkynhneigð særir ekki blygðunarkennd mína, birtust niðurstöðurnar. Þegar þetta er skrifað hafa 225 manns kosið og telja rúmlega 42% að samkynhneigð særi blygðunarkennd þeirra.

Þessi staðreynd vakti mikla lukku hér í Lögbergi þar sem ég sit í próflestri. Búið að hlæja mikið. Samt grátbroslegt - veit ekki alveg hvað ég á að segja. Gott kannski að fólk sé heiðarlegt með hvað það hugsar. Ef þetta væri Gallup-könnun myndi ég síðan vilja sjá hvort það væri fylgni við að vilja t.d. banna samkynhneigðum að giftast eða ættleiða börn.

 

Myndin er tekin í Katmandú. Þar má ekki vera hommi en karlmenn mega hins vegar leiðast. Þetta særði ekki blygðunarkennd mína.

 

Athugasemdir

[Halli (IP-tala skráð) 6.5.2008 kl. 23:36]

42% þeirra sem kusu í þessari könnun særa blygðunarkennd mína, ég blygðast mín fyrir að teljast til sömu tegundar...

[Guðríður Hrefna Haraldsdóttir, 7.5.2008 kl. 00:32]

Hahahahhaha, snilld!

[Baldur Gautur Baldursson, 7.5.2008 kl. 07:44]

Blygðast mín fyrir að tilheyra þjóð þar sem 42% telja að samkynhneigð særi blygðunarkennd sína. 

[DoctorE (IP-tala skráð) 7.5.2008 kl. 07:50]

Sorglegt

[Ragnhildur Sverrisdóttir, 7.5.2008 kl. 09:04]

Róleg, róleg. Þetta er ÚTVARP SAGA, sjáðu til. Sú útvarpsstöð er vægast sagt sér á parti. Ég sef alla vega óleg yfir öllu sem frá henni kemur

[Einar Mar Þórðarson (IP-tala skráð) 7.5.2008 kl. 10:00]

Heil og sæl 

Þessar niðurstöður segja meira um hlustendur Sögu en íslensku þjóðina enda ekkert að marka svona kannanir með sjálfvalin úrtök. Í nýlegum rannsóknum kemur allt annað viðhorf fram. Í European Social Survey (2005) eru 88% Íslendinga sammála þeirri fullyrðingu að „Samkynhneigðir ættu að geta haga lífi sínu eins og þeir sjálfir kjósa“ og í Íslensku kosningarannsókninni (2007) voru um 80% sammála því að „...að samkynhneigðir eigi að hafi sama rétt og aðrir til að ættleiða börn“.

Kv. Einar Mar

[H.T. Bjarnason (IP-tala skráð) 7.5.2008 kl. 10:14]

Kommon .... Útvarp Saga ... á hana hlusta bara örykjar og fylgismenn Frjálslyndaflokksins.

[J. Einar Valur Bjarnason Maack , 7.5.2008 kl. 11:23]

HT... þú hlýtur að vera fífl. Fæstir FF liðar eru hómófóbískir og ég tel að langsamlega flestir okkar hlusti sjaldnast á ÚS þegar hlustað er á útvarp...

Þetta er dapurlegt, en þetta segir samt ekki neitt. Skoðanakannanir eins og þessi eru ómarktækar. 

[halkatla, 7.5.2008 kl. 11:36]

það eru ákveðnar hliðar á samkynhneygð og gagnkynhneygð sem særa mína blygðunarkennd, það deilist ákaflega jafnt. Ég hefði sagt "já þetta særir mig" í skoðanakönnun um hvorn hópinn sem er

[Steinn Hafliðason, 7.5.2008 kl. 13:26]

Mér finnst þessar niðurstöður mjög áhugaverðar og þætti fróðlegt að sjá samanburð milli kynja og milli landa. Þó að þetta sé ekki marktæk könnun þá finnst mér athyglisvert að samkynhneigð skuli særa blygðunarkennd fólks, hafði ekki hugsað út í þetta sjálfur.

Þetta er áhugavert út frá þeirri staðreynd að fólk hefur skoðun á þessu máli en það þarf að skilgreina betur hvað það er sem særir blygðunarkenndina og hvað blygðunarkennd er í huga fólks varðandi samkynhneigð. Þannig væri hægt að komast betur að því hvað það er sem kemur upp í huga fólks þegar samkynhneigð kemur þeim fyrir sjónir og hugsanlega væri hægt að nota þær niðurstöður til að slá á hræðslu og fordóma þjóðfélagsins.

Mér finnst kommentið þitt Anna Karen varpa skemmtilegu ljósi á þessa umræðu. Þegar maður fer að hugsa um þetta dýpra get ég sagt að kynhneigð særi blygðunarkennd mína

[Steinar (IP-tala skráð) 7.5.2008 kl. 14:49]

Fyndið að sjá þessa mynd. Ég var í Delhi um daginn þar leiðast karlmenn á sama hátt. Hins vegar er það illa séð ef fólk af gagnstæðu kyni leiddust saman hendur sína. Það særir hins vegar ekki blyðgunarkennd mína.

[Ari Björn Sigurðsson, 7.5.2008 kl. 15:51]

Ég fæ alltaf kjánahroll þegar fólk fer að tala "blygðunarkenndir" þetta hugtak er bara heimskulegt. Getur einhver skilgreint það fyrir mig?

[Kristín Sævarsdóttir (IP-tala skráð) 7.5.2008 kl. 16:09]

Útvarp Saga er mjög sérstakt fyrirfæri í íslenskum fjölmiðlaheimi en mér finnst of djúpt í árina tekið að á hana hlusti bara öryrkjar og fylgismenn Frjálslynda flokksins. Hins vegar grasserar þar hómófóbía og mjög einkennileg túlkun á Biblíunni. Inn á milli má væntanlega finna ágæta þætti en kristnu öfgarnir og fordómarnir gegn samkynhneigð gerir það að verkum að það er ekki kveikt á þeirri stöð á mínu heimili. Enda er svo margt áhugavert og skemmtilegt á öllum hinum stöðvunum. Frekar hlusta ég á Útvarp Latabæ en þessa lágkúru. Áfram Latibær

[Höskuldur Sæmundsson, 7.5.2008 kl. 16:17]

Það að taka mark á skoðanakönnun Útvarps Sögu er álíka eins og að segja að skoðanakannanir á FoxNews sjónvarpsstöðinni séu ákaflega traustvekjandi.  Enda báðar stöðvar alþekktar fyrir að vera "Fair and Balanced". 

Ekki það að ég sé að líkja Sögu við Fox...

[Ari Björn Sigurðsson, 7.5.2008 kl. 16:36]

Í rauninni segir þessi gjörningur, að láta sé detta í hug að setja þessa skoðanakönnun á vefinn, allt sem segja þarf um þessa útvarpsstöð

[Einar Steinsson, 7.5.2008 kl. 18:08]

Fyrir utan það að sæmilega glúrinn tölvumaður getur breitt úrslitum í svona vefkönnunum mjög auðveldlega. Bara að búa til einfalda skipanaskrá og tölvan þín fer að kjósa aftur og aftur þrátt fyrir að það eigi ekki að vera hægt. Líka hægt að gera það handvirkt, gengur bara hægar.

[Anna Pála Sverrisdóttir, 7.5.2008 kl. 21:34]

Allt rétt - svona netkannanir eru ómarktækastar í heimi! Athyglisvert engu að síður og í besta falli fínn brandari :)