Einstök ályktunarhæfni og ekkert vesen

Þarf bara að láta vita að neðangreind ágiskun var rétt hjá mér. Enda urðu allir skipuleggjendur eins og kúkar þegar ég auglýsti þessa hugmynd yfir ritstjórnina. Björn Ingi var látinn bíða á Stjörnutorgi meðan fólk kom sér yfir á Kringlukrá og svo klæddur í búrkuna að viðstöddum gestum og gangandi. 

Spurning dagsins: Hvernig dettur manni í hug að vera fimm klukkutíma á Kringlukránni?  

Seinna um nóttina var nauðsynlegt að klæðast skóm drekans, A.K.A. búrkunni til að geta tekið rúnt á Ölstofunni, klipið karlmenn í rassinn og tekið skot undir blæjunni. Setningu næturinnar átti líklega Árni. "Hún talar ekki íslensku." Góð redding úr viðreynslu hjá einhverjum sem greinilega fílar að láta koma sér á óvart. 

Skemmtiatriði dagsins átti sér stað í portinu hjá Sirkus. Fólk í jakkafötum og drögtum með frosin bros, undir manni með gjallarhorn sem endurtók aftur og aftur og aftur og aftur: "Hjá okkur er allt í lagi. Ekkert vesen. Þannig viljum við hafa það. Allt í lagi. Ekkert vesen..." Eins og pabbi benti á í miðjum einhverjum orðaflaumi sjálfrar mín um Orkuveituauglýsinguna: "Þetta er ekki auglýsing, þetta er áróður."

Sýning dagsins er svo tvímælalaust kökusýningin hjá Ingunni og vinkonu sem buðu í tertur í gallerí Gyllinhæð á Laugaveginum. Farin að horfa á leikinn í félagsskap Górillufélags. Takk og góða nótt. Gleðilega þjóðhátíð.

Athugasemdir

[Þórir Hrafn Gunnarsson, 17.6.2006 kl. 18:58]

Bara svona forvitnisspurning. Verður einhver hverfispöbb í Hádegismóum?

Strumpakveðjur :)

[Þórir Hrafn Gunnarsson, 18.6.2006 kl. 10:19]

Ég biðst afsökunar Anna mín, ég fattaði þetta sjálfur. Það verður væntanlega Litla Kaffistofan.

Strumpakveðjur :)

[Anna Pála Sverrisdóttir, 18.6.2006 kl. 23:58]

Ég, augljóslega.

Já og mikið rétt Þórir, alltaf skrefi á undan. Starfsmannafélagið STAM er að vinna í afsláttum á Litlu Kaffistofunni, Ásláki í Mosfellsbæ og Blásteini í Hraunbænum.