Mismælgi ársins 2006

Flokkaflakkari er tízkuorð dagsins. Og tízkufjölmiðill dagsins er Krónikan. Takk fyrir skemmtilegt fæðingarhóf í gær. 

Það sem er hinsvegar alls ekki í tísku eru ummæli mín frá í desember: 

Ég sit í húsi í litlu þorpi í regnskóginum á Fiji. Í húsinu eru fimm konur. Við erum allar nýbúnar að leggja okkur á gólfinu eftir matinn, sem var góður og borðaður með höndunum. Ég búin að sofa mjög fast því gólfið er bara nokkuð þægilegt og þakið mottum ofnum úr þurrkuðu bananalaufi, með heyi undir. Við amma vöknuðum báðar jafn myglaðar með hönd undir kinn.

Svo á að kenna okkur að vefa svona bananalaufamottu. Anna Pála fer í panikk og rifjar upp tíma sinn sem handavinnunemandinn frá helvíti. Það sem átti að koma út var eitthvað á þessa leið "ég er sko ekkert góð í hlutum þar sem hugur og hönd fara saman. Get helst bara notað hausinn einan í einu." Það sem kom hins vegar var eitthvað svona:

"I´m not sure if I should try. You know, in school I was never good at such things. I could only manage well in the subjects where you use your brain."

 

Athugasemdir

[Reisubok Barboru Ingu, 15.2.2007 kl. 17:10]

en manstu... hvað ananasinn var geggjaður, barnið sem pissaði á mig, sjampó fossinn, bitin, hálsmenin, hundarnir - hestarnir, bensínlaus, drullan sem átti að redda húð-krabbanum, fjall - ið... og svo auðvitað … indversku myndum, norsku stelpunum, sandurinn, ponsu eyjan, vá allt frá ökkla til eyra - já eða brjóstunum mínum til brjóstanna þinna.

FIJI TIME ;)

[Brissó B. Johannsson, 15.2.2007 kl. 22:42]

Anna Pála, fyrir hönd mannfræði-og þjóðfræðiskorar skikka ég þig til að sitja undir fyrirlestrinum "Vertu PC: "frumbyggjar" og "frumstætt fólk" eru ekki óþróaðri útgáfa af hvíta vestræna manninum, hugtakið "heili" og "hugsun" eru kúgunartæki sem hafa stutt að valdníðslu og menningarlegu ofbeldi".   Já... fyrirlesturinn er s.s. eiginlega bara titillinn.  
Þetta er samt svo fallegt og sætt af því þú ert svo mikill gullklumpur.  

[Anna Pála Sverrisdóttir, 16.2.2007 kl. 01:12]

Myndirnar af Barböru fyrir og eftir að frumstæða barnið pissaði á hana, eru klárlega á topp tíu yfir hressustu afurðir þessarar reisu! 

Þakka ábendinguna Bryndís. Reyni að haga mér af aga í fremtiden. 

[Sigurjón, 18.2.2007 kl. 06:08]

Gaman að heyra af ferðum þínum um Kyrrahafseyjar.  Ég er ferðaönd líka og hef heimsótt 32 lönd í 6 heimsálfum og veit hversu gaman það er að kynnast framandi og skemmtilegri menningu.  Rock on!