Málshátta- og slagorðakeppnin mikla! - "Betri er kúkur í klósti, en í pósti" - "Öldruðum og aumingjum allt, nema peninga"

Lestu þetta og taktu svo þátt! Í ljósi efnilegrar útkomu síðustu færslu hefur ritstjórnin ákveðið að standa hér fyrir málshátta- og kosningaslagorðakeppni. Hún er bæði ætluð sýruhausum og öðrum, s.s. öllum opin. Ég bíð spennt eftir að sjá bæði klassískan húmor og vísun í samtímann.

Reglurnar eru svona:

1. Keppt er í tveimur flokkum, málshættir og kosningaslagorð. 

2. Málshátturinn/Slagorðið skal vera frumsamið og ekki hafa heyrst áður.

3. Að öðru leyti hafa þátttakendur listrænt frelsi.

4. Hugsanlega verða aukaviðurkenningar veittar í einhverjum flokkum.

5. Tillögum skal skilað í kommentakerfið og er skilafrestur til kl. 18:00 þann 15. maí, en hálftíma síðar verða úrslitin gerð kunn.

6. Sá aðili, sem bestu tillöguna á, og eru þá báðir flokkar undir, fær að velja nýjan titil á þetta blogg í heila viku. Kemur í stað "Önnupálublogg."  Vinsamlega tilgreinið hver titillinn á að vera um leið og tillögum er skilað, nema þið viljið að málshátturinn/slagorðið sjálft verði notað. Dæmi: "Femínistar sökka." "Ég er með hár á tánum." "Ég er trukkalessa." "Ég hef gubbað niður af svölunum á Hverfisbarnum." "Lifi Thatcherisminn!"

7. Þeir sem kommentuðu í færslunni á undan þessari eru sjálfkrafa með í keppninni.

Þar að auki fær Nói-Síríus hugsanlega póst uppá næsta páskaeggjaár. Hver myndi ekki vilja fá kúkamálshátt í sínu eggi.

Athugasemdir

[Davíð, 7.5.2006 kl. 01:14]

Enginn á COMPAQ nema sér come back eigi

[Davíð, 7.5.2006 kl. 01:17]

Grasið er grænna, vinstameginn...

[G. Tómas Gunnarsson, 7.5.2006 kl. 01:26]

Verð að taka þátt í þessu. Fyrst undir skilgreiningunni kosningaslagorð.

Villi er allt sem þarf X-D

Það kemur dagur eftir þennan Dag X-S

Ertu með - óráði? X-B

Svandís er væn og Vinstri græn X-V

Fljúgðu með okkur - úr Vatnsmýrinni X-F

"Lifi Thatcherisminn!" er svo fínt nafn á bloggið....

Meira seinna...

Bestu kveðjur

[Anna Pála Sverrisdóttir, 7.5.2006 kl. 04:48]

Við förum glæsilega af stað. Nógur tími til stefnu. Ákveð að taka fyrstu tilraunina ekki persónulega, enda verið staðfest á prenti í 8.000 eintökum hvað ég kyssi ofsalega vel. Koma svo!

[Ásgeir H (IP-tala skráð) 7.5.2006 kl. 06:19]

„Hitum upp ástina. Forleiksflokkurinn.“

Forleiksflokkurinn er þýðing á Pre-Ásterismaflokknum, löng saga sem ég efast um að nokkur muni almennilega lengur. Minnir mig svo á enn betra slagorð:

„Friður er sexí.“

[Villi Asgeirsson, 7.5.2006 kl. 15:56]

Áður nefnt:

Vandaðu vinum kveðjurnar en öðrum keðjurnar.

Nýtt:

Betri er koss á kinn að morgni en ást útá horni.

[Villi Asgeirsson, 7.5.2006 kl. 16:02]

Betra er krumpað kort í bíl en nýtt kort heima.

[Li, Hal (IP-tala skráð) 7.5.2006 kl. 16:13]

Betri er kassakvittun en dropa-þurrkun.

Li (stelpur, þið ættuð að vita hvað þetta þýðir - veit ekki með strákana)

[Þórir Hrafn Gunnarsson, 7.5.2006 kl. 16:29]

X-D, félagshyggja er fyrir konur...

Strumpakveðjur :)

[Þórir Hrafn Gunnarsson, 7.5.2006 kl. 16:29]

Þetta átti náttúrulega að vera

X-D, félagshyggja er fyrir kellingar...

eitthvað mis...

Strumpakveðjur :)

[Stígur (IP-tala skráð) 7.5.2006 kl. 19:49]

Ég ætla að gerast svo kræfur að slá saman í eitt stykki kosningamálshátt:

Betri eru ellismellir en Skerjavellir. -XF

[GG (IP-tala skráð) 7.5.2006 kl. 20:25]

Mjór er mikils vís ef feitir eru foreldrarnir

GG

[Davíð, 7.5.2006 kl. 22:33]

Betra er að eiga áttavita en hálfvita

[Steinar K (IP-tala skráð) 7.5.2006 kl. 22:35]

Það er ekki á hverjum degi sem maður rakar sig aðra hverja viku!

[eva (IP-tala skráð) 7.5.2006 kl. 22:54]

verð að hrósa Villa fyrir "Betri er koss á kinn að morgni en ást útá horni" bjútifúl alveg

ég segi að betra sé grænt eyra á kodda en prófatíð Odda

[Anna Pála Sverrisdóttir, 7.5.2006 kl. 23:15]

Þið eruð svo skemmtileg!

[Laufey Helga Guðmundsdóttir (IP-tala skráð) 8.5.2006 kl. 16:22]

Betri er firring heldur en fyrning...? (datt hann í hug í nettu andvökustressi fyrir kröfuréttinn síðustu nótt).

[Eiður Ragnarsson, 8.5.2006 kl. 16:57]

Þessi er reyndar nokkurra ára gamall og það var prestur sem bjó hann til!

"Sjaldan er prestur barnana bestur"

[Snorri Stefánsson (IP-tala skráð) 8.5.2006 kl. 18:00]

Fyrningar eru bóndanum það sem fyrning er skuldara.

Firring er auðvitað miklu verri en fyrning! Hvað er þetta fyrir sósíalista?

[Villi Asgeirsson, 8.5.2006 kl. 18:57]

Þetta á auðvitað ekki að taka með þar sem ég man ekki eftir að hafa samið þetta, en ég hef getað hlegið af þessu í mörg ár: Enginn er verri þó hann vökni sagði kerlingin og drukknaði.

[G. Tómas Gunnarsson, 8.5.2006 kl. 19:57]

Og þá innlegg í keppnina um almenna málshætti og slagorð.

Það sést hverjir blogga - á Mogga.

Oft fylgir bull bloggi.

Margur verður af aurum api, og kálfur af kreditkortum.

"Lifi Thatcherisminn!" er svo fínt nafn á bloggið....

Meira seinna

bestu kveðjur

[Ester (IP-tala skráð) 8.5.2006 kl. 22:15]

ég er mjög sár útí sjálfa mig fyrir að vera allveg "dry" í þessari stórgóðu keppni! Það vonandi lagast þegar ég klára prófin.

[Heimir Lárusson Fjeldsted, 9.5.2006 kl. 05:50]

"Nema síður sé og þótt víðar væri leitað".

[Gunnar P (IP-tala skráð) 9.5.2006 kl. 10:50]

Enginn er vænn nema vel sé grænn

[Lóa (IP-tala skráð) 9.5.2006 kl. 15:01]

hjá mér eru skósíðar gardínur.Teppi milli stafs og veggja. Þessi er ein af þessum nýríku, it læs in ðe æs opsters!

[Elías Halldór Ágústsson, 9.5.2006 kl. 16:42]

Hömmer er bömmer!

Enginn er vænn nema vinstri grænn! Ex-Dé, sauðfé! Ex-Bé, hvorki né!

[Grétar (IP-tala skráð) 9.5.2006 kl. 17:49]

Betri er Skafís á diski, en hafís á veðurkorti.

Ekki er allt prump sem lyktar.

Betra er að hlaupa í þvotti en að hlaupa í spik.

Sjaldan fellur snjókorn úr heiðskírum himni.

[Anna Pála Sverrisdóttir, 9.5.2006 kl. 18:29]

Meira! Frábært að eiga svona sjálfbært blogg í próftíð.

Þetta hefur birst í kommentum við færsluna á undan þessari:

-Það þýðir ekki að berja höfðinu í bakkafullan lækinn. (Steinar K)

-Skárri er Lús í höfði en í klofi (Eyrún Ösp)

-Betra að vera seinn og flottur en fljótur og ljótur. (Bjarni Már)

-Betri er kúkur í klósti, en í pósti. (Sindri bró)

-Betri er brestur í skógi en athyglisbrestur

[Anna Pála Sverrisdóttir, 9.5.2006 kl. 18:30]

... og það var að sjálfsögðu Fannita Dorada sem átti þann síðasta!

[Villi Asgeirsson, 9.5.2006 kl. 20:49]

Betri... er að verða klisja. Prófa eitthvað annað.

Eigi er hrafn kría nema sofi.

[Kristján Haukur Magnússon, 9.5.2006 kl. 21:00]

Á morgun segir sá skipulagði, í dag segir hinn fljótfærni, á næsta ári segir hinn raunhæfi og aldrei hinn svartsýni

Ætli gott mottó fyrir bloggið í viku sé ekki: Viva la MUN

[arnor snæ. (IP-tala skráð) 9.5.2006 kl. 23:30]

Við vinstri brjóst fjallkonunnar, slær hjartað!
kv. arnor s.

[Davíð, 9.5.2006 kl. 23:50]

Sjaldan er Hrafn á þingi nema á hrafnaþingi sé

[Jóhann Friðriksson (IP-tala skráð) 10.5.2006 kl. 15:37]

Slagorð sem Framsóknarmenn ættu klárlega að taka upp:
"Þekking er blekking - álver allstaðar"

[G. Tómas Gunnarsson, 10.5.2006 kl. 23:58]

Þá er að bæta nokkrum við í almenna flokkum.

Oft fylgir kæti köldum.

Mey skal að morgni lofa, og að kveldi hjá sofa.

Mey skal að morgni lofa en að kveldi kaldan.

Betri er 1. kona í ramma(1) en 3. úti að djamma.

Gjarna er kaldur gleðivaldur.

Kaldur gleður geð guma.

(1) Hér er notað yfirfært slangur úr íþróttamáli, þar sem rammi er notað um mark, en þýðir hér rúm.

"Lifi Thatcherisminn!" er svo fínt nafn á bloggið....

bestu kveðjur

[Valdi (IP-tala skráð) 11.5.2006 kl. 01:58]

"Afhverju að drekka pepsi þegar það er til kók?"

Þennan tel ég gjaldgengan í báða flokkana, þó ekki ætli ég að eyrnamerkjan hann einhverju sérstöku framboði. Tel ég mig nú sjálfkrafa sigurvegara enda hefur nota gildi þessarar fleygu setninga löngu sannast á sjálfum mér með ákvarðani rýmkandi lögkýringu. Lögjöfnun er einnig tæk.

Valdi

[Valdi (IP-tala skráð) 11.5.2006 kl. 01:59]

Einn í viðbót svona í framhaldinu:
"Betra er að jafna lög en lögjafna"

Valdi

[Erna María (IP-tala skráð) 11.5.2006 kl. 03:20]

Ég á einmitt gott safn af mis góðum málsháttum/slagorðum.
Kannski eru einhverjir nothæfir í kosningabaráttunni :)

Ekki dugar að drepast.

Betra er að ganga fram af fólki en björgum.

Betra er langlífi en harðlífi.

Heima er best í hófi.

Enginn veit sína kæfuna fyrr en öll er

Betra er að standa á eigin fótum en annarra.

Þegar neyðin er stærst er hjálpin fjærst.

Oft veldur lítill stóll þungum rassi.

Oft er bankalán ólán í láni.

Eitt sinn skal hver fæðast.

Bændur eru bændum verstir og neytendum líka.

Sjaldan fara sköllóttir í hár saman.

Oft eru bílstjórar útkeyrðir.

Flestar gleðikonur hafa í sig og á.

Oft láta bensínafgreiðslumenn dæluna ganga.

Betra er að hlaupa í spik en kekki.

Betri eru kynórar en tenórar.

Betra er að sofa hjá en sitja hjá.

Til þess eru vítin að skora úr þeim.

Auðveldara er að fá leigt í miðbænum en guðanna bænum.

Oft fara hommar á bak við menn.

Oft eru dáin hjón lík.

Hagstæðara er að borga með glöðu geði en peningum.

Betra er að fara á kostum en taugum.

Margri nunnu er "ábótavant".

Oft hrekkur bruggarinn í kút.

Margur bridsspilarinn lætur slag standa.

Oft eru bílstjórar vel á veg komnir.

Oft fara bændur út um þúfur.

Víða er þvottur brotinn.

Oft fer presturinn út í aðra sálma.

Margur bóndinn dregur dilk á eftir sér

[Kristján Haukur Magnússon, 11.5.2006 kl. 06:41]

Frá Þengli tenór í háskólakórnum: Oft eru tenórar kynórar

[Anna Pála Sverrisdóttir, 11.5.2006 kl. 13:36]

Úllala! Dómnefndin er strax byrjuð að svitna.

[dagga (IP-tala skráð) 11.5.2006 kl. 17:00]

,,Betra er að fara í leiðinlegt hóf en leiðinlegt próf!"

Nei.. ég held ég eigi ekki séns í ernu....

[Eiður Ragnarsson, 11.5.2006 kl. 17:37]

Betri er góður blundur en leiðinlegur fundur!!!!

Ég sit einmitt á einum slíkum núna!!

[Vigga (IP-tala skráð) 11.5.2006 kl. 18:22]

Skv. samtali okkar Önnu Pálu í morgun
"Sjaldan er ein bólan stök" (og þá sérstaklega á unglingsárum og í próflestri........!!!)
Kv. Vigga lestrarletingi

[Steinar K (IP-tala skráð) 11.5.2006 kl. 22:42]

Oft kemur bóndi í opna Skjöldu

Hmmm...

[Eiður Ragnarsson, 12.5.2006 kl. 09:23]

boðaorð letingjans:

1. Þú skalt ekki vaka við það sem þú getur sofið við.

2. Þú skalt ekki sitja við það sem þú getur legið við.

3. Þú skalt ekki standa við það sem þú getur legið við.

Þessi boðorð eru tangd vinnu að sjálfsögðu!!

[Eiður Ragnarsson, 12.5.2006 kl. 09:24]

Arg!!!

3. boðorðið átti að vera "Þú skalt ekki standa við það sem þú getur setið við"

[heimskautapi (IP-tala skráð) 12.5.2006 kl. 12:01]

[Villi Asgeirsson, 12.5.2006 kl. 14:37]

Ég póstaði þetta annars staðar af því að viðeigandi var að ræða þessa keppni en ég hreyfst af eigin snilld og ákvað að pósta þetta hér með góðum skammt að stafsetningarvillum (er í vinnunni, thus að flýta mér...):

Ekki vaxa nýjir málshættir á tánum.

Betri er málsháttur en ójafn hjartsláttur.

Góð er Anna Pála er kemur til háttarmála.

[Dr. Sindri (IP-tala skráð) 12.5.2006 kl. 17:50]

Björn Inga í borgarstjórn!!
x-trímmeikóver.

[Bjarni Már Magnússon, 12.5.2006 kl. 23:50]

Betra er jó en skó

[Villi Reyr (IP-tala skráð) 13.5.2006 kl. 00:53]

Villi Reyr,


,,Sæt er lykt ú sjálfs rassi"

,,Hóf er best í hófi"

,,Vissulega er drykkja flótti frá raunveruleikanum, en margur maðurinn hefur nú komist undan á flótta" e. ónefndan prófessor við Háskóla Íslands

Doddi litli datt í dý/
meiddi sig í fótnum.
Fékk sér sopa af Campari/
og varð jafn góður í fótnum.

Einn klassískur líka með: ,,enginn dansar ódrukkinn nema vitlaus sé"

[Anna Pála Sverrisdóttir, 13.5.2006 kl. 13:29]

Stelpur. Bring It On!

Og já, með vísan í 4.gr. keppnisreglna verða hugsanlega veitt verðlaun í flokknum Egóbúst fyrir Önnu Pálu. Keppnin er þegar hafin.

[www.zordis.com, 13.5.2006 kl. 19:08]

"Betra er að vera fullur af kampavíni en fullar af einhverju öðru"

Best ég fái mér kampavín!

[Sindri (IP-tala skráð) 14.5.2006 kl. 19:07]

Ef ég vinn þá vil ég að titillinn á blogginu þínu sé "Áfram Léttir!!!", og það þýðir ekkert að láta mig tapa bara af því þú vilt ekki hafa þennan titil.

p.s. sem sagt þrjú upphrópunarmerki...

[Bjarni Már Magnússon, 15.5.2006 kl. 17:38]

Húsavík er frábær - ekki álbær

[HHG (IP-tala skráð) 17.5.2006 kl. 17:19]

Þar sem fá störf koma saman, þar verður álver.